Sammisamik toqqaagit *







 
Qanoq ilillunga atuisutut normora takusinnaavara?

Atuisutut normut TELE-mut akiligassavit allagartaani takusinnaavat. Aamma 80 80 80 attaveqarfigalugu paasisinnaavat.
 
Ajoqutit suut TELE-mut nalunaarutigisinnaavakka?

Ajoqutit suulluunniit TELE-p kiffartuussinerinut tunngassutillit  nalunaarutigisinnaavatit. Uku ajoquteqarsinnaapput:

• TUSASS-imik immiineq 
• Mobiltelefoni
• Internet-ikkut attaveqaat
• Telefonit nalinginnaasut
• Roaming (Nunani allani mobil-inik nunatsinneersunik atuineq)
• Dankort-it atorlugit tigusisarfiit attaveqaataat

TELE-p Atuisunik Sullissivianut 80 80 80-imut sianerlutit nalunaartassaatit. TELE-p Atuisunik Sullissivia matoqqatillugu saaffiginninnerit ingerlaannartumik TELE Servicebureau-mut nuunneqartarpoq, tassani nalunaaruteqarnerit aamma tiguneqarsinnaammat.

Aamma periarfissaavoq fejl@telepost.gl e-mail atorlugu attaveqarfigineqarsinnaanera, tassunga atit kinguliallu aammalu telefonivit normua atorlugit saaffiginnissaatit. Ilisimassavat Atuisunik Sullissiviup ammanerinnaani allakkatigut saaffiginnissutit akineqartarmata.

Ajoqutit pillugit nalunaaruteqalertinnak ingerlatsinermik paasissutissiivipput takoqqaarsinnaavat, tassani takusinnaavat akornut saaffiginnissutiginiakkat nalunaarutigineqareersimanersoq.
 
Qanoq ilillunga internetimut, telefonimut nalinginnarmut mobilimullu attaveqaammik pisiniarsinnaavunga?

TELE-p nioqqutaanik pisiniarnissamut periarfissat marluupput:

• Nittartakkami uani internetimut, telefonimut nalinginnaasumut mobilimullu attaveqaammik pisiniarsinnaavutit.
• Aamma periarfissaavoq TELE-POST Center-imi pisiniarsinnaaneq, tassani sulisut atuisutut aallartinniarnerni ikiussavaatsit. TELE-POST Center-imi pisiniarniarnerni piffissaajannginniassagavit, pisiniarnermi immersugassat aariarlugit immersoreersinnaavatit.

Uani pisinermut immersugassat pisinnaavatit (http://www.tele.gl/privat/kundeservice/selvbetjening/inniminniinermut-immersuivissat)
 
TELE-POST Centerit sumi takusinnaavakka, qaqugukkullu ammasarpat?

www.post.gl –imut nittartagaani TELE-POST Centerit nalunaarsorneqarneri takusinnaavatit. Tassani ammasarfii aamma takusinnaavatit.
 
Qanoq iliussuunga atuisuunera allanngortinniarlugu?

TELE-mi atuisuunerit allanngorusukkukku, TELE-p immersugassaani atsiornikkut akuersinerit pisariaqartippaa. Immersugassaq atsioreerukku, TELE-POST Center-imut tunniukkiartussavat.

Uani atuisutut allannguinermut immersugassaq pisinnaavat (http://www.tele.gl/privat/kundeservice/selvbetjening/inniminniinermut-immersuivissat)
 
Bluetooth imaluunniit mobilima assiliivittaa ajoqutilittut nalunaarutigisinnaavakka?

Atortut mobilerniittut, TELE-p mobilitigut attaveqaatinut sullissinerinut attuumassuteqanngitsut, TELE-p sullissineranut ilaanngillat. Tassani pineqarput, Bluetooth, mobilivit assiliivittaa, nipilersuutinillu tusarnaarutit.

Atortut taakkua aserussagaluarpata, iluarsaassititsisinnaavugut. Pisariqartitsissaguillu TELE-POST Centerimut saaffiginnissutigisinnaavatit.
 
Qanoq ilillunga internet mms-ilu mobilinni atulersinnaavakka?

Internet atulissagukku mms-inillu tingusisinnaalissaguit, mobilit GPRS-imut mms-imullu atuisinnaanngorlu piareersaqqaartariaqarpoq.

Nammineerlutit mobiltelefonit piareersarsinnaavat automatisk-imik piareersaaneq (https://telepost.gl/atuisut/mobil/mobil-pillugu/atorsinnaanngortitsinissamut-piareersaatit).

Nammineerluni piareersaaneq (https://telepost.gl/atuisut/mobil/mobil-pillugu/atorsinnaanngortitsinissamut-piareersaatit/nammineq-piareersaaneq) amma atorsinnaavat..

TELE-POST Center-imut aamma saaffiginneriaannaavutit, ikiorniarlutit piareeqqavugut.

Atuinissamut piareersaatit mobilinneereeraluartut sulilu internetersinnaanallu mms-inillu nassitsisinnaangikkuit 80 80 80-imut sianerlutit nalunaarutigissavat.
 
Nammineerluni iliuuserisinnaasat suunuku?

TELE-mi atuisut tamarmik telefoniminni atulersissinnaasaminnik NAMMINEQ TOORTAANEQ atorlugu arlalinnik periarfissaqarput.

TUSASS aamma Mobil atorlugit TELEsvar-imut isersinnaavutit. Mobilillu atorlugu aamma sullissinerit: Ingerlatitseqqittarneq, Kasuttorneq, Oqaloqatiginninnermillu nuussineq iserfigisinnaavatit.

NAMMINEQ TOORTAANERMIK mobiliniik atuineq uani takujuk (http://www.tele.gl/privat/kundeservice/selvbetjening/tryk-selv-service/mobil)
 
Mobilera qaminngagaluartoq nammineerluni akisartukkut nalunaarutisisinnaavunga?

Aap. TELEmit NIPI nammineerluni akisartorivat, taamaammat ilinnut sianertut akineqanngitsut tamarmik nammineerluni akisartumut nuutsinneqartarput. Tassa mobilit tingusisinnaanngikkaangat, akisinnaanngikkaangavit, mobililluunniit qaminngatikkaangakku.

TELEmit NIPI nalunaarutinut 10-nut inissaqarpoq nalunaarutillu ulluni 15-ini toqqoqqasarpai.
 
TELEmit NIPI nammineerlunilu akisartora qanoq ilillunga tusaassuara?

Mobilerniik 50 50 50-imut sianerlutit TELEmit NIPI tusaasinnaavat.

TELEmit NIPI fastnettelefonimiik aamma tusaasinnaavat. Tusarnaassagukkuli pisariaqarpoq immikkut toortagassamik toqqaanissat. Mobilerniik 50 50 50-imut sianeriarlutit nammineq toortagassat(kode) toqqassavat, ilitsersuullu malillugu. TELEmit NIPI fastnettelefonimiik tusaarnaarsinnaanngussuat 50 50 50-imut sianeriarlutit mobilivit normua toortagassarlu toqqarnikuusat(kode) toortareerukkit.
 
TELEp sms-inut nalunaarutaasivia qanoq normoqarpa?

TELE-p sms-inut nalunaarutaasiviata normorivaa +299 50 00 05.

Mobiltelefonini amerlanerni sms-inut nalunaarutaasivimmut normu mobiltelefonimik pisinerni ikkusimareertarpoq. Sms-inik nassitsinermi tungusinermilu ajornartorsiuteqassaguit, nammineerlutit normu ikkussinnaavat.
 
TUSASS-normora qanoq ilillunga imissavara?

TUSASS-normuit immernisaanut periarfissatit pingasuupput.

1. www.tele.gl aqqutigalugu.

TELEkodimik immiineq (http://www.tele.gl/privat/kundeservice/selvbetjening/TUSASS-inik-immiineq) www.tele.gl -miittoq aqqutigalugu 

Tassani ulloq unnuarlu TUSASS-normut immersinnaavat, telefonivit normua, e-mail-adressit, kortilu akiliutit atorlugit.

2. TELEkodinik nioqqutilimmi

Nioqqutilimmi TUSASS-TELEkodimik pisillutit immiisinnaavutit. Allagartaq (bon) 12-nik kisitsisilimmik koditaqarpoq.

TUSASS-it immilerukku imatut iliussaatit:

- TUSASS-imut mobiltelefonerniik sianissaatit 80 10 10-mut. Normumut tassunga sianerneq akeqanngilaq.TUSASS-imut ilitsersuisoq tusaassavat, taanna nammineerluni akisartuuvoq, qiningassatut periarfissatit assigiinngitsut oqaatigissavai.
​- 1 tooruk, TUSASS-konto-t immerniarukku.
- Kisitsisit allagartaaterniittut 12-t toortakkit #-millu naggaserlugit.
- Konto-t aningaasanik immeqqippoq, sianeqissinnaalerputillu.

Kodi 12-nik kisitsisitalik pingasoriarlutit kukkusumik toortarukku attaveqarnerit kipitinneqassaaq, kortillu atorsinnaajunnaassaaq.

Taamaalisuussagaluaruit, TELE-p Atuisunut Sullissivianut 80 80 80-imut ikioqqullutit sianissaatit.

3. Sms aqqutigalugu

TUSASS-TELEkodinik nioqqutilimmi pisisimaguit aamma sms atorlugu TUSASS-imik immiisinnaavutit. Imatullu iliussaatit:

Sms-imut ”TANK” kode-lu 12-nik kisitsisitalik allakkit normumullu 1800-mut nassiullugu.

Assersuut: TANK [TELEkode] 1800-mut

Sms-ikkut telefonnormu alla illit piginngisat aamma immersinnaavat. Taammatut iliussaguit sms-imut ”TANK” kode-lu 12-nik kisitsisitalik, telefonnormulu immerniakkat allakkit, 1800-imullu nassiullugu. Assersuut: TANK [TELEkode] [TUSASS telefonnormu] 1800-mut.
 
Immiinermut kodi ajorpat qanoq iliussaanga?

Immiinermut kode-vit atorsinnaannginneranut peqqutaasinnaavoq atorsinnaatitaannginnera imaluunniit atorneqareersimanera.

TELE-p Atuisunut Sullissivianut 80 80 80-mut ikioqqullutit sianissaatit.
 
TUSASS-inniik sianersinnaanangalu allassinnaanngilanga, immeqqammigaluarlugu. Sunamita ajoqutaava?

Immaqa TELEkodit kukkusumik pingasoriarlugu toortarsimavat. TELEkodi pingasoriarlugu kukkusumik toortarukku TUSASS-it nammineertumik matuneqassaaq.

TELE-p Atuisunut Sullissivianut 80 80 80-mut ikioqqullutit sianerit.
 
Bredbåndiuna suna?

TELEp internetikkut atuisunut neqeroorutaanut Bredbånd ataatsimoortumik taaguutaavoq.

Bredbånd pillugu allanik atuarit (http://www.tele.gl/taxonomy/term/32/)
 
Qanoq ilillunga bredbånditaassaanga?

Nittartakkakkut ugguuna bredbåndimik pisisinnaavutit aamma najukkanni TELE-POST Centerimut saaffiginnissinnaavutit.

Attaveqaat sorleq pisariaqartitannut tulluarnerunersoq paaserusuppiuk?

Sorleq toqqassanerlugu uani ikiortigit (http://www.tele.gl/faa-hjaelp-til-at-vaelge-gl)
 
Pisiarineraniik atulernissaanut qanoq sivisutigissava?

Bredbåndip pisiarineraniik atorsinnaanngorluni ikkunneqarneranut sivisunerpaamik ullut tallimat ingerlasarput.

Nuummi ullut marluk missaanni utaqqissaatit. Illoqarfinni Nuup avataaniittuni nalinginnaasumik ulloq ataasiinnaq utaqqisarput, nunaqarfinnili ullut pingasut missaanni utaqqisoqartarpoq.
 
Bredbåndimik pisereerpunga, kisianni atorsinnaanngilaq. Qanoq iliortariaqarpunga?

Bredbåndikkut attaveqaatitaat atorsinnaanngikkukku, bredbåndimut modemit misissussavat: Power-ip, Ethernet,-ip, DSL-illu qulleerai ikumappat?

Qulleeqqanik ikumasoqanngippat, bredbåndip ikkussuunnissaanut ilitsersuut malillugu ikkussueqqissaatit.

Bredbånd-ip ikkussuunnissaanut ilitsersuut uani takujuk (http://www.tele.gl/privat/kundeservice/ilitsersuutit)

Bredbåndit suli ikissinnaanngippat, telefon 80 80 80-imut nalunaarutigissavat.
 
Sooq bredbåndera telefoneralu nalinginnaasoq ataatsikkut atorsinnaanngillat?

Bredbåndit telefonillu nalinginnaasoq ataatsikkut atorsinnaanngippata, bredbåndimut immikkoortitsissut poortukkami ilaasoq ikkussimanerlugu takussavat.

Immikkoortitsissut karsiarannguuvoq pingasunik ikkuffittalik.

Immikkoortitsissut atornissaalu uani takukkit: Bredbåndip ikkussuunnissaanut ilitsersuut (http://www.tele.gl/privat/kundeservice/ilitsersuutit)

Atortutit suli atorsinnaanngippata, bredbåndivit ajornera telefon 80 80 80-imut nalunaarutigissavat imaluunniit e-mail-imik uunga nassiussissaatit: fejl@telepost.gl
 
Bredbåndimut ikkuffiga illup iluani nuutsissinnaavara?

Aap. Elektrikerimut suliaritissinnaanngikkukku, TELE-p bredbåndimut ikkuffiit nuussinnaavaa.

Bredbåndimut ikkuffivit nuunnissaa kissaatigigukku, ikkuffiup nuunneranut atortussat teknikerillu sulinera nammineerlutit akilissavatit.
 
Qanoq ilillunga angerlarsimaffinni ledningeqanngitsumik internetitaarsinnaavunga?

Angerlarsimaffinni ledningeqanngitsumik internetitaarniaruit, router-imik pisisariaqassaatit. TELE-POST Centerini router-isisinnaavutit.

Attaveqaatit ledningeqanngitsoq ikkussuutereerukku, eqqaamassavat atornerlunneqarsinnaaneranut isumannaallisarnissaa qulakkeertariaqasagakku.

Attaveqaatinut ledningeqanngitsunut isumannaallisaaneq pillugu uani atuarit (http://www.tele.gl/privat/kundeservice/ilitsersuutit)
 
Attaveqaatiga ledningeqanngitsoq sooq isumannaallisartariaqarpara, qanorlu isumannaallisassavara?

Attaveqaatit ledningeqanngitsoq isissutissamik isumannaallisaasinngikkukku, allat attaveqaativit eqqaaniitillutik illit aningaasartuutigisannik internetersinnaapput.

Internetimik atuinernik annertuserujussuartitsinermik saniatigut, peqquserlullutik attaveqaatinnik ledningeqanngitsumik atornerluiniat aamma paasissutissanik ilinnut tunngasunik pissarsiarinnissinnaapput.

Attaveqaatinut ledningeqanngitsunut isumannaallisaaneq pillugu uani atuarit (http://www.tele.gl/privat/kundeservice/ilitsersuutit)
 
Atuineq sorleq bredbånd-ikkut attaveqaatinni killilersorneqarpa?

Portit protokol-illu ataani allassimasut TELEp bredbåndimut attavianut internetimiit matoqqapput.

Protokol: Port
TCP: 25
UDP: 445
TCP: 445
UDP: 135
TCP: 135
TCP: 9999

Tamatuma saniatigut TCP port 25 atuisup attavianiit internetip tungaanut killilersugaavoq. Taamaallaat akuerisaavoq TELEp mailserveriata tungaanut, atornerlunneqarsinnaanera tamatumunnga pissutaavoq.
 
TELEp avammut mailserveria qanoq taaguuteqarpa?

TELEp avammut mailserveria taaguuteqarpoq smtp.greennet.gl
 
TELEp isaasunut mailserveria qanoq taaguuteqarpa?

TELEp isaasunut mailserver taaguuteqarpoq mail.greennet.gl
 
Bredabånd-imik atuisuuffeqassaguit telefoninik nalinginnaasumik atuisuuffeqartariaqarpit?

Naagga, bredbånd-imik atuisuuffeqarsinnaavutit telefonimik naliginnaasumik atuisuuffeqanngikkaluarlutit. Tamaasa pigereersimagukkit telefonimik naliginnaasumik atuisuuffiit taamaatiinnarsinnaavat.
 
Naapertuilluartumik atuineq sunaava?

TELE naapertuilluartumik atuinermut aalajangersimasumik flatrate-mik atuisunut annertussusiliisimavoq. Tamannalu isumaqarpoq, qaammatip ataatsip ingerlanerani toqqaannartunik toqqortigassanillu killiliussap aalajangersimasup iluani qanorluunniit tigooqqaasinnaagavit.

Killiliussaq qaangerukku internetimi sukkassuseq atukkat 256/256bkbits-imut millineqassaaq. Tamannalu flatrate-mik atuinernut tamanut atuuppoq.

TELE naapertuilluartumik atuinermut aalajangersimasumik atuisunut annertussusiliisimavoq, atuisut ataasiakkaat assigiiaartumik atugaqarniassammata. Flatrate-mimmi atuinermik pisigavit, flatrate-mik atuisut allat internetip piginnaasaanik atuisooqatigilerpatit.

Naapertuilluartumik atuinermut killiliussap qulakkeertussaavaa annertuumik atuisut ikittunnguit killigititamik qaangiinermikkut attaveqaatimik sukkassusaannik milliliiffigineqartarnissaat. Bredbåndimik atuisorpassuit nalinginnaasut taamaalillutik piginnaasami inissaqarnerulissapput.

Naapertuilluartumik atuinermi aalajangersimasumik killigititap paasissutissartai Flatrate-mik atuinermut paasissutissani takusinnaavatit www.tele.gl -imi.
 
Mobilt Bredbånd suua?

Mobilt Bredbånd mobilit aqqutaat atorlugu bredbåndinternetiuvoq. Mobilt Bredbånd atorlugu internetimut attaveqarsinnaavutit ADSL-modem aqqutigalugu internetimut attaveqarnermut taarsiullugu SIM-kortikkoortilnneratigut.

Mobilt Bredbånd pillugu allanik atuarit (http://www.tele.gl/mobiltbredbaand)
 
Mobilt Bredbånd sumi atorneqarsinnaava?

Illoqarfinni ukunani Mobilt Bredbånd atorsinnaavat: Aasiaat, Ilulissat, Ittoqqortoormiit, Kangerlussuaq, Kangaatsiaq, Maniitsoq, Nanortalik, Narsaq, Narsarsuaq, Nuuk, Paamiut, Pituffik, Qaanaaq, Qaqortoq, Qasigiannguit, Qassiarsuk, Qeqertarsuaq, Sisimiut, Tasiilaq, Upernavik aamma Uummannaq. 

Mobilt Bredbånd pillugu allanik atuarit (http://www.tele.gl/taxonomy/term/6/)
 
Mobilimik atuisuunera nalinginnaasoq atorlugu  internetersinnaavunga?

Aap. Mobilimut atuisuunerit nalinginnaasoq atorlugu internetersinnaanissannut akornutituaasinnaavoq mobilivit  internetimik atuisinnaanngissinnaanera. Taamaattoqarsimappat mobilit aaqqissinnaavat internetersinnaanngorlugu.

Mobilimik atorsinnaanngortitsineq pillugu aturit (http://www.tele.gl/privat/kundeservice/selvbetjening/mobilimi-atorsinnaanngortitsinis-samut-piareersaatit)

Mobilimik atuisuunerit nalinginnaasoq atorlugu internetertaruit eqqaamassavat, paasissutissanut atuinermut akit appasissut atuuttussaassannginnerat Mobilt Bredbåndimik atuisuunermut naleqqiullutik. Mobiltelefonit atorlugu akulikitsumik internetertaruit Mobilt Bredbåndimik pisineq ilinnut akikinnerussaaq.

Mobilt Bredbånd pillugu allanik atuarit (http://www.tele.gl/taxonomy/term/6/)
 
Mobilt bredbåndera atorlugu attavinissinnaanngilanga. Qanoq iliussaanga?

Mobilt bredbåndit atorlugu attavinissinnaanngikkuit iliuuserisinnaasatit pingasuupput:

• SIM-kortia iluamik ikkusimanersoq takuuk misileqqillugulu.
• USB-modemia ajunngitsumik ikkusimanersoq aammalu programmissaa eqqortumik ikkussuunneqarsimasoq misissoruk.
• Suli attavinissinnaanngippat mobile bredbåndit iluarsineqartussat eqqortumik suliarineqarsimanersut misissortariaqassapput. 

Mobilt Bredbåndip iluarsineqarnissaanut (konfigurere) ilitsersuutit (http://www.tele.gl/privat/kundeservice/ilitsersuutit)

Iliuusereqqusat qulaani taaneqartut arlaannaalluunniit iluaqutaanngila?

Najukkanni TELE-POST Center i imaluunniit TELEp Atuisunik Sullissivia 80 80 80-imut sianerlutit attavigiuk ikiorneqaqqullutit.
 
USB-modem atornagu Mobilt Bredbånd atorneqarsinnaava?

Aap. MOBILT Bredbånd atorniarlugu SIM-korti 3G-modemimut UMTS 900-mik atuisinnaatitsisumut taamaallaalliuna ikkukkukku. Ikkussassaq tassaasinnaavoq:

• USB-modemi (dongle-mik taaneqartartoq)
• Qarasaasiannut toqqaannartumik ikkullugu
• Telefoninnut toqqaannartumik ikkullugu
• Imaluunniit routerinnut toqqaannartumik ikkullugu

3G-modemit UMTS 900-mut atorsinnaanersoq paasiumallugu, atortup taassuma paasissutissartaanik atuarsinnaavutit.

Atortoq Mobilt Bredbåndimik atuisinnaatitsisoq piginngikkukku najukkanni TELE-POST Centerimi pisiarisinnaavat.

Mobilt Bredbånd pillugu allanik atuarit (http://www.tele.gl/taxonomy/term/6/)
 
Mobiltelefonera imaluunniit qarasaasiara angallattagaq 3G-mut atorsinnaanerluni?

Mobilinnik sanaartortup nittartagaani (sooorlu Samsung-ip, Nokia-p imaluunniit Apple-p) nalinginnaasumik takuneqarsinnaavoq mobilit UMTS 900-mik atuisinnaatitsinersoq. Telefonivit assinga iserfigigukku teknikkimut paasissutissartai takusinnaavatit.

Qarasaasiannut angallattakkamut tamatumunnga assingusumik aamma iliuuseqarsinnaavutit. Qarasaasianulli angallattakkanut paasissutissat eqqortut sanaartortup nittartagaani naniuminaattarput.

Ujakkat nanisinnaanngikkukku pisiffigisarnut saaffiginnissaatit. Utaqqiisaa USB-modemimik atuigallarsinnaavutit.
 
Mobilt Bredbåndip sukkassusaa neriorsuutigineqartumit sooq sukkaannerua?

3G napparussuinut naleqqiullutit inissisimanerit iikkallu qanoq ittuuneri assigiinngitsut sunniuteqarsinnaapput mobile bredbåndivit attaveqaataanut. Pissutsit tamakku attaviup tamatigut tamakkiisumik sukkassuseqannginneranut pissutaasinnaapput.

Tamatuma saniatigut aammattaaq malugisinnaassavat attaveqaammi atuisut ataatsikkoornerat. Sukkassutsit Mobilt Bredbåndit sukkassuserisaat tassaapput nioqqutip sukkassusai annertunerpaat.
 
Mobilinni video aqqutigalugu sooq sianersinnaanngilanga?

Mobiltelefonit tamarmik UMTS 900-mik atuisinnaanngillat. Atorsinnaasimagaluarpaguluunniit imaanngilaq mobilit video aqqutigalugu sianissutaasinnaasoq. Mobili nammineq aammalu piginnaasai apeqqutaapput.

Sanaartortup nittartagaani mobilivit paasissutissartai takukkit.
 
Video atorlugu sianernera sooq akineqarneq ajorpa?

Video atorlugu sianernerit akineqanngippat, imaassinnaanvoq sianerfigisap atortua video atorlugu sianernissamut atorsinnaasimanngitsoq. Taamaattoqarpat toqqaanissaq pissooq, tassalu oqaluussineq ingerlaqqiffigiumanerit.
 
Pisiarineraniik atulernissaanut qanoq sivisutigissava?

Telefonip nalinginnaasup pisiarineraniik atorsinnaanngorluni ikkunneqarneranut Nuummi sivisunerpaamik ullut marluk ingerlasarput. Illoqarfinni Nuup avataaniittuni nalinginnaasumik ulloq ataasiinnaq utaqqisarput, nunaqarfinnili ullut pingasut missaanni utaqqisoqartarnera nalinginnaavoq.
 
Telefoninik nalinginnaasunik qanoq ittunik atuisunngortoqarsinnaava?

TELEp telefoninut nalinginnaasunut atuisunngorneq ataasiinnaq nioqqutigaa. TELEp telefoninut nalinginnaasunut nioqqutaanik atuisuuguit sianerfigitiinnartartunngorsinnaavutit tapiliussatullu attaveqaasertinneq aamma pisiarisinnaavatit.

Telefonnormuvit saniatigut sinerfigineqasinnaasumik kisianni tassanngaanniit sianertoqarsinnaanngitsumik telefonnormutaarsinnavutit. Tapiliussatut attaveqaasertinneq tassaavoq telefonimut nalinginnaasumut tapiliussamik attaveqaasertinneq, soorlu fax-imut.

Telefonit nalinginnaasut pillugit allanik atuarit (http://www.tele.gl/taxonomy/term/7/)
 
ISDN atorunnaarami?

ISDN tassaavoq internetimut modemikkoorlugu attavik, TELEp atuisuinit ataasiakkaanit suli atorneqartoq. Nioqqulli atorunnaariartorpoq, nioqqutit bredbåndimik atuisut ISDN-imik pisariaqartitsinermi naammassisinnaasat assingi TELEp ullumikkut nioqqutigimmagit.
 
ISDN-eqarpunga, qanoq iliorlunga ikiorneqassaanga?

TELEp Atuisunik Sullissivia 80 80 80-imut sianerlutit attavigiuk imaluunniit najukkanni TELE-POST Center attavigiuk.
 
Angerlarsimaffinni telefonimut ikkuffeqanngilanga. Qanoq iliussaanga?

Telefonimut ikkuffeqanngikkuit TELEp akeqanngitsumik ikkussivigisinnaavaatit. TELEp akisussaaffigaa Kalaallit Nunaanni illut tamarmik minnerpaamik telefonimut ikkuffeqarnissaat ataatsimik aammalu NTP-mut ikkuffeqarnissaat ataatsimik.
 
NTP-p ikkuffia suua?

NTP naalisagaavoq attaveqaatit isuisa naaffiannut/aallartiffiannut. Ikkuffiup ilisarnaatigaa ikkuffiup sinaata qorsummik qalipaateqarnera.
 
Nammineerluni iliuuserisinnaasat suunuku?

TELE-mi atuisut tamarmik telefoniminni atulersissinnaasaminnik NAMMINEQ TOORTAANEQ atorlugu arlalinnik periarfissaqarput.

Telefonimik nalinginnaasumik atuisutut sullissinerit uku atorsinnaavatit: Ingerlatitseqqittarneq, Kasuttorneq, Oqaloqatiginninnermi allamut nuunneq, Aalajangersimasumut sianertarneq, Nammineerluni inniminniineq, Nammineq paasiuminaallisakkat atorlugit matusineq, VoksenSpær.

Telefoninut nalinginnaasunut Nammineerluni iliuuserisinnaasat pillugit allanik atuarit (http://www.tele.gl/privat/kundeservice/selvbetjening/tryk-selv-service/telefonit-nalinginnaasut)
 
VoksenSpær-iuna suna?

TELEp telefoninik nalinginnaasunik atuisui tamarmik VoksenSpær-eqarput. Tassa telefoninninngaanniit nunat ilaannut sianersinnaanngilatit.

TELEp VoksenSpær atulersippaa telefonip atorneranut akiligassarujussuarnik tupatsitaannginnissat eqqarsaatigalugu.

Atuisut VoksenSpær-imik atuerusunngitsut TELEp Atuisunik Sullissivianut saaffiginnissinnaapput mattussineq ammartikkumallugu.

VoksenSpær pillugu allanik atuarit (http://www.tele.gl/privat/kundeservice/selvbetjening/tryk-selv-service/telefonit-nalinginnaasut)
 
Greennet-mailitaaqqammivunga, kisianni atorsinnaanngilaq. Qanoq iliussaanga? 

TELEp nittartagaatigut e-mailit Webmailikkoorluni atorsinnaanersoq misiliguk. Tassuuna Greennet-mailit atorsinnaaguni e-mailivit atorsinnaanngortinnissaminut aaqqissugaanera ajoquteqarsimassaaq.

e-mailip atorsinnaanngortinnissaanut aaqqinnissaanut ilitsersuut takuuk (http://www.tele.gl/privat/kundeservice/ilitsersuutit)

Greennet-mailit qanorluunniit ilioraluarlutit atorsinnaanngittuaannarpat TELEp Atuisunut Sullissivianut ajoqutilittut 80 80 80-imut nalunaarutigiuk.
 
Allaffissami ”Indgående mailserver”-imut suna allassavara?

Allaffissami ”Indgående mailserver” allassavat: mail.greennet.gl
 
Allaffissami ”Udgående mailserver”-imut suna allassavara? 

Allaffissami ”Udgående mailserver” allassavat: smtp.greennet.gl
 
Isertaatiga qanoq iliorlunga allanngortissavara?

Isertaatit illit allanngortissinnaanngilat. Isertaatit allanngortinniarukku TELEp Atuisunut Sullissivia taamaammat 80 80 80-imut sianerfigissavat.
 
Namminerisannik e-mailadresseqalersinnaavunga Greennet-itaqanngitsumik?

Aap. Nammineq taaguuteqarsimaguit (domæne) Mailhotel-itaarsinnaavutit, taamaalillutillu namminerisannik e-mailadresseqalerlutit.

Hosting-ip ataani allanik atuarit (http://www.tele.gl/privat/andre-produkter/hosting)

 
Namminerisannik taaguuteqalersinnaavunga .gl-imik naanilimmik?

Aap. taaguuteqalersinnaavutit. Taaguutit imatut naggatillit nalunaarsorsinnaavatit:.

com.gl
.co.gl
.edu.gl
.net.gl
.org.gl

Hosting-ip ataani allanik atuarit (http://www.tele.gl/privat/andre-produkter/hosting)
 
Nammineq taaguuteqarpunga, serverimi inissamik TELE-mi pisisinnaavunga? 

Aap, pisisinnaavutit.

Hosting-ip ataani allanik atuarit (http://www.tele.gl/privat/andre-produkter/hosting)
 
Qanoq iliorlunga Iridium-imik atuisunngorsinnaavunga?

Iridium-imik atuisunngorsinnaavutit 80 80 80-imut, telefon 34 12 55-imut sianerlutit imaluunniit najukkanni TELE-POST Centerimi.

Iridium-ip ataani allanik atuarit (http://www.tele.gl/privat/andre-produkter/iridium)
 
Iridium-imik atuisuunera sumi atorsinnaavara?


Qaammataasakkoorlugu Iridium-imik telefonit nunarsuarmi sumiikkaluaruilluunniit atorsinnaavoq. Nunarsuarmi tamarmi atorsinnaaneranut taamaallaat qaammataasamut assersimanngitsumik isikkiveqarnissaq piumasaqaatituaavoq. 

Iridium-ip ataani allanik atuarit (http://www.tele.gl/privat/andre-produkter/iridium)
 
Iridium-telefonimik sumi pisisinnaavunga?

Iridium-imut atortut, attavilertissimagaanni attavilertissimanngikkaluaraanniluunniit, inniminnerneqarlutillu pisiarineqarsinnaapput TELE-POST Centerini tamani.

Iridium-imut atortut ataanni allanik atuarit (http://www.tele.gl/privat/andre-produkter/iridium/iridium-imut-atortut)
 
Iridium-imik atuisunngorneq qanoq akeqarpa?

Iridium-imik atuisunngornermut aki aningaasat nalingisa nikerarnerat pissutaalluni allanngorarpoq. Dollarip nalinga 5,75-i aallaavigissagaanni Iridium-imik atuisunngorneq 231,44 DKK-nik akeqarpoq.

Akit allattorsimaffiat tamakkiisoq uani takuuk (http://www.tele.gl/privat/andre-produkter/iridium)
 
Ajornartorsiutigisat iluarsiva?

     
 
Oqaluussinissamut suli tusassissaqarpunga, kisianni sooruna sianersinnaanangalu SMS-ersinnaanngitsunga?

Oqaluussisinnaaninnut 5 kronit ataallugit sinnerigukkit, taava sianersinnaavutit imaluunniit SMS-imik nassiussisinnaallutit mobildata qamikkukku. b) Oqaluussisinnaaninnut 5 kronit sinnerlugit sinnerigukkit, sianersinnaanatillu SMS-inik nassiussisinnaanak, taava Atuisunik Sullissivik 80 80 80-imut sianerfigiuk imaluunniit nittartakkatsinni chat atoruk.
Nuannaarutigaarput ajornartorsiutivit iluarsinissaanut ikiorsinnaagatsigit. 
Ullorsiorluarina.
Matuuk
Ajuusaarutigaarput ikiorsinnaannginnatsigit.
”Ingerlaqqigit” tooruk TELE-POST-ip Atuisunut sullissivia attaviginiarukku.
Ingerlaqqigit